INDIA RAMA KRISTIAN PAWL LIAN ZUAL TE
Tun tum chu bengvar nan India rama
kohhran inhlawm khawm, Kristian pawl lian deuh deuh te i han bih thuak thuak
dawn teh ang.
All India Christian Council (AICC):
AICC hi India rama Kristian
pawl inhlawmkhawm lian tak pakhat a ni a. AICC hnuaiah hian zirna in, pawl
peng, missin leh kohhran hrang hrangte an awm a ni. Kum 1998-a din niin pawl
thil tum pakhat chu Kristiante insuihkhawm a, hnam tenau zawk leh sakhua te nau
zawk te tana aw nei ve khawpa inhlawmkhawm a ni. AICC hian kohhran in daidanna
bang thiat a, kohhran hrang hrangte zai khata luana India rama Kristiante
nekchepna leh tihduhdahna tih tawp anih theih nana hmalak ho chu an thil tum
lian tak pakhat a ni. AICC hian motto atan “To Protect and to serve” (Venhim
leh rawngbawl) tih an nei a, hemi dulthul hian hna tam tak an thawk mek a ni.
AICC
hian mihring dikna chanvo humhalh kawngah leh sakhaw zalenna humhim kawngah
nasa takin hma an la a, ramchhung hmun hrang hrangah Human Rights Awareness
Seminar an kalpui nasa hle. United
Nations Special Rappertour on Religious Freedom meeting pawh vawi 5 lai a dawl
tawh nghe nghe a ni.
AICC-ah
hian kohhran leh Kristian pawl engemawzat an inzawmkhawm a. An rawngbawlna
kalpui nan hian khawvel huapa pawl lian tak tak All India Confederation of
SC/ST Organisations (India), Christian Solidarity Worldwide (UK), Dalit Freedom
Network, Stefanus Alliance International (Norway) leh Release International
(UK) te nen thawhhona thuthlung tha tak an nei mek a ni.
Tunah
hian Dr Joseph D’Souza chu AICC President a ni a, Vice President chu Rev Dr G.
Samuel niin Secretary chu Dr John Dayal a ni a, Vice Chairman chu Rev Paothang
Haokip a ni. AICC hian Secunderabad , Andra Pradesh ah Headquarter neiin an
website chu www.indianchristians.in
a ni.
National Council of Churches in India
(NCCI) :
NCCI hi Protestant leh Orthodox kohhran te thawhhona a ni a, he
pawl hnuaiah pawh hian kohhran hrang hrang leh Kristian pawl hrang hrang
inzawmkhawmin India ramah hian member maktaduai 13 chuang an nei a ni.
NCCI hi
kum 1914 khan National Missionary Council tiin din a ni a. 1923 khan National Christian Council of
India, Burma and Ceylon tiin a hming hi thlak leh a ni a. Burma leh Ceylon
Council hi a indan hnuin um 1979 khan Burma leh Ceylon hi paihin National
Council of Churches in India tih a ni ta a ni.
NCCI
hian India rama kohhran leh Kristian pawl hrang hrangte kara thawhhona tha zawk
a awm theih nan nasa takin hma a la a, India ram hmun hrang hranga chhiatna
thlenna hmunah tanpuina hna thawk thinin Sakhaw zalenna a awm theih nan leh
Kristiante nekchepna tihreh a nih theih nan vawi duailo sawrkar a lo dawr tawh
thin a ni.
NCCI
hnuaiah hian kohhran 29 awmin Regional council 14 an nei a, India ram huap pawl
(All India Organisation) 14 inziak lutin pawl dang 7 a thawhpui a. NCCI member
nghet te chu a hnuaia kohhran inziak lut leh Regional Councils te hi an ni.
NCCI hian kum 4 danah Assembly an nei thin a, NCCI hi World Council of Churches
(WCC) member an ni bawk a ni.
NCCI
hian nikuma XXVII Quadrennial Assembly, Bengalore-a an neihah khan hruaitu thar
an thlang a, chungte chu-
President
– Rt Rev. Dr Taranath S. Sagar (Methosidt)
Vice
Presidents – Rev Dr Mat Atsongchanger (Nagaland Baptist Church)
General
Secretary - Rev Dr Roger Gaikwad (PCI, Mizoram Synod)
Treasurer
– Rev Dr Augustine Jeyakumar (Lutheran Church)
Evangelical
Fellowship of India (EFI):
Evangelical Fellowship of India hi kum 1951
khan Yavatmal, maharastra-a din a ni a, India rama Kristian inzawmkhawm pawl
zingah chuan thawmna ber pawl an ni awm e. India rama Kohhran, kohhran din
zirna in leh Kristian mimal te hi Isua Krista duhdan anga hna kan thawh chuan
India ram hi kan siamtha dawrh thei dawn a ni tih hi vision-ah an nei a. He
vision bawhzui nan hian hma an la nasa hle a ni.
EFI
hnuaiah hian Union Biblical Semuinary, Yavatmal, Evangelical Literature
Fellowship of India, Evangelical Radio fellowship of India, The Indian
Evangelical Mission, vangelical Trust Association of North India, EFI Committee
on Relief (EFICOR), The India Association of Evangelists, The India Christian
Media Association, Evangelical Financial Accountability Council, All India
Congress on Church in Missions (AICOCIM) etc te an awm a. Kum 1969 atangin
National prayer Assembly kalpui tanin kum 2003 khan Christian Legal Association
pawh din a ni leh a ni.
EFI
hnuaia pawl tenau zawk hrang hrang zingah hian Evangelical Fellowship of India
Commission on Relief (EFICOR) hian hna an thawk nasain hriat an hlawh hle mai.
Hei hi a chhan chu EFICOR hi mi rethei leh chanhai ten eizawnna nghet an neih
a, hma an lo sawn ve theih nana hmala tu an nih vang hi a ni awm e. Kum
1970-a din niin tanpuina hna bawkah chhawmdawl zui hna te, Environment humhal
kawngah te, puitling ziak leh chhiar thiam lo zirtir kawngah te, AIDS do hna
te, leh thildang tam tak an thawk a.
India ram state hrang hranga mi rethei tamna district Bihar, Chattisgarh,
Jharkhand, Madhya Pradesh, Orrisa, Rajastahan, Uttar Pradesh, Uttaranchal leh
West Bengal-ah te hma nasa takin an la a, an lamek zel bawk a ni.
Evangelical
Fellowship of India-ah hian Rev Dr Atul Aghamkar chu Chairman niin Rev Dr Bijoy
K. Roul chu Vice Chair Person a ni a, Ren Dr Richard howell chu General
Secretary niin Hon Treasurer chu Mr Sanjay Patra a ni.
No comments:
Post a Comment